KALIBO, Aklan—Maabu pa nga mga residente ro na-trap sa sueod it andang mga panimaeay sa pagragasa it mudflow nga kapareho it natabu sa bagyong frank sa Aklan bangud sa pag-agi it tropical storm Hillary sa Los Angeles.
Suno kay Bombo International Correspondent Greg Aguilar it California, USA nga nagahueat ro mga pumueuyu makaron nga i-rescue it emergency and safety personnel bangud nga napuno it eapok ro andang mga baeay nga gindaea it maeapnagon nga pagbaha.
Bukon sigon it ordinaryo ro tropical storm bangud nga ro Southern California hay sangka disyerto.
Ro nasambit nga bagyo hay unang nag-landfall sa Baja, California sa Mexico nga may daea nga kabaskog it hangin nga 65 miles per hour.
Bangud kara, nagpatuman it force evacuation ro gobyerno kun sa siin may gintaeana nga lugar para sa mga homeless.
Dugang pa ni aguilar nga ro San Diego ro grabeng naapektuhan it maeapnagon nga pagbaha bangud sa nasambit nga bagyo.
Maabu man suno kana nga mga flights ro nakansela sa parte it San Diego bangud sa epekto it nasambit nga bagyo.
