Mabahoe nga numero it protesters sa Kenya, puro pamatan’on

Ginkumpirma it kinauukulan nga mga pamatan’on sa Kenya ro nag’umpisa it mabahuean nga kilos-protesta sa andang nasyon para kondenahon ro bag’ong finance bill nga nakataeana kunta nga pirmaha it andang presidente nga si William Ruto.

Ginhambae nga naging epektibo ro gin’organisa nga kilos protesa it mga pamatan’on it Kenya paagi eamang sa social media.

Raya ro naging rason kun haman napilitan ro andang presidente nga ibasura ro  punakalang layi.

Base sa datos it mga Kenyan Authority, indi magnaba sa 22 nga sibilyan ro kumpirmadong namatay matapos nga paeukpan it mga pulis.

Mabahoe nga hangkat man kay Kenyan President William Ruto nga bue’on it uman ro pagsalig ag loyalty it anang mga pumueoyo.