Mabahoe ro posibilidad nga maduso eon ro pagiging siyudad it banwa it Kalibo makaron nga dag-on

KALIBO, Aklan—Mabahoe ro posibilidad nga maduso eon ro pagiging siyudad it banwa it Kalibo makaron nga dag-on.

Suno kay sangguniang bayan member Augusto Tolentino nga igadihon nana it uman sa Lunes ro sangka resolusyon para sa nasambit nga cityhood status.

Kwalipikado eon suno kana ro banwa nga maging siyudad  matapos nga  maabot ro population ag land area requirement.

Naabot eon suno kana it Kalibo ro economic development bilang daean paagto sa pamosong isla it Boracay.

Pagahinyu-on sigon nana it uman ro bulig ni Aklan 1^st district congressman Carlito Marquez  agud nga iduso ro hagna para sa pag-convert it banwa halin sa munisipyo paagto sa siyudad.