Importante ro maidid nga paggabay sa mga pamatan-on eabi eon sa makaron nga panyempo.
Pila sa mga dapat bantayan it ginikanan hay ro aktibidad it andang mga unga agud nga mapaeayo sa iligal nga droga.
Sa Good Morning Philippines Program gintalakay ni Dr. Athena Magdamit it Municipal Health Office (MHO)-Malay ro mga common drugs of abuse.
Base sa datus ko nagtaliwan nga dag-on, nagapanguna ro marijuana sa mga ginagamit nga klase it iligal nga droga.
Ginasundan man raya it methamphetamine ukon shabu; pangatlo ro cocaine ag pang ap-at ro contact cement ukon mga nagagamit it rugby.
Samtang, ro pinaka-makaeadik man nga klase it droga hay ro shabu.
Kaeabanan sigon sa mga nagagamit it iligal nga droga sa pamatan-on hay naga-edad it 13 hasta 19 anyos kung siin kaeabanan hay ro mga kaeaeakin-an.
Samtang, pag-abot sa mga adults ro masami nga nagasakdag kara hay ro naga-edad 20 anyos pataas eabi eon ro mga nagatrabaho ag owa it trabaho.
Ro drug addiction hay sangka krimen sandig sa Republic Act 9165.
Rason nga dapat raya nga likawan para indi masamad ro puturo ag mapaeayo sa anumang krimen ag kahalitan.
