KALIBO, Aklan—Kasunod it pagdumdom it adlaw it kahilwayan, ginpanugyan ni Aklan first district board member Nemesio Neron sa mga pamatan-on nga magbalik-tanaw agud nga eubus nga maintindihan ro makasaysayan nga hitabo kon paano naangkon ro kasarinlan nga ginatamasa naton makaron nga panyempo.
Suno kana, bukon eamang it mabahoe nga event ro makaron nga adlaw kundi ginakabig nga memorable para sa tanan bangud sa ginpakita nga kabaganihan it mga sikat nga personalidad ag mga ninuno naton nga nagbulig sa pakikipagsukoe agud nga maangkon ro kahilwayan it nasyon halin sa mga dumueoong nga nagsakop katon.
Ginpahayag dugang ni Neron nga maabo kitang dapat nga ipagpasaeamat sa aton nga mga baganihan bangud sa pagbuhis it andang kabuhi para maipataas it uman ro bandera it Pilipinas.
