Nagapabilin nga mahipos ro Malacañang sa report nga nag-adto sa Singapore si Pangueong Ferdinand Marcos Jr. para magtan-aw it Formula One grand Prix.
Owa nagtao it anumang pahayag ro pilang opisyal it Palasyo sa pagkalhit it mga litrato it pangueo samtang imaw hay nagatan-aw it Formula One racing.
Makita man sa official website it F1 Singapore ro litrato it Pangueo ag unga kara nga si Ilocos Norte Rep. Sandro Marcos sa Marina Bay.
Una eon nga ginpahayag it Office of the President nga owa pa sanda it impormasyon angot sa pagbiyahe it pangueo.
Matueopangdan nga ginbatikos it grupong Kilusang Magbubukid ng Pilipinas (KMP) ag Bagong Alyansang Makabayan (BAYAN) nga iresponsable ro tikang it presidente bangud sa katatapos eamang it pagpanaeasa it bagyong Karding.
