Sa pihak it sunod-sunod nga pagsaka sa presyo it produktong petrolyo, uwa it paghueag ro pamasahe sa mga pampublikong saeakyan nga may byaheng Malinao-Lezo-Kalibo vice versa.
Raya ro ginklaro ni Mr. Edgar Igcazensa, chairman it Malinao-Lezo-Kalibo transport cooperative maskin nga nalisdan eon sanda sa pagsakdag sa mataas nga presyo it krudo.
Ginpaathag nga ginabuytan eon nanda ro bag-ong fare matrix kon siin nakabaehag ro panibag-ong panueoktan sa pamasahe nga aprubado it Land Transportation and Franchising Regulatory Board ukon LTFRB.
Apang, bukon pa it oras para ipatuman raya bangud nga posibleng ikakibot it mga sumaeakay rason nga gintaw-an pa nanda it dugang nga kahigayunan ro mga commuters nga makapahaom sa panibag-ong panueoktan sa pamasahe kon siin sigidas makaron ro andang information dissemination para inde eon makibot ro mga raya.
Igaimplementar nanda ro bag-ong panueoktan sa pamasahe sa buean it Nobyembre matapos ro fiesta minatay.
Sa oras suno kana nga magtaas eon ro pamasahe hay magadugang man ro boundary it mga drivers sa andang mga operators.
