KALIBO, Aklan—May ginapanan-aw eon nga posibleng anggulo makaron ro mga otoridad sa pagpatay sa 55 anyos nga mangunguma nga si Lauro Fernando ko nagtaliwan nga adlaw sa kagueangan it Sitio Fatima Hills, Brgy. Bulabod, Malinao.
Aminado si P/Lt. Merriefin Carisosa, hepe it malinao municipal police station nga nabudlayan sanda sa imbestigasyon bangud sa kawad-an it testigo.
Mag-eowas kara, ginasugid nga owa it sin-o man nga nakaaway ro biktima antes raya nasapwan nga nagaka-agnas eon nga bangkay base sa panaysayon it anang pamilya ag kasimaryo.
Samtang, limitado gihapon suno kana ro impormasyon nga may una sanda makaron.
Nagpangayo man it bulig ro mga otoridad sa mga residente it lugar nga i-report sa andang estasyon engkaso nga may impormasyon nga makabulig sa kaso.
Madumduman nga tadtad it igo it pag-eabu sa nagkaeain-eain nga parte it eawas ro biktima nga owa eon it pang ibabaw nga eambong.
