Rosario
KALIBO, Aklan—Gina-imbestigahan eon it Malinao Municipal Police Station kon may koneksiyon sa pagpatay kay Lauro Fernando ko buean it Setyembre ro ginhimo man nga pagbaril-patay makaron hay Nonito Salvador Nam-ay, 62 anyos ag residente it Sitio Fatima, Brgy. Bulabod sa banwa it Malinao.
Angot kara, naghinyu si P/Lt. Zacarias Rose, OIC Chief of Police it Malinao PNP nga likawan anay ro mga espekulasyon samtang nagapadayun pa ro imbestigasyon.
Owa pa suno kana it mabakod nga ebidensiya nga posibleng nagbaeos ro pamilya.
Ginasugid nga sambilog si Nam-ay sa akusado sa pagpatay kay Fernando apang gina-alegar nga nabasura ro kaso kontra kana ag subject makaron para sa refiling.
Samtang, gindugang pa ni Lt. Rose nga may sambilog sanda nga testigo nga nakakita sa pagpaeagiw it suspek , apang bukon it klaru ro description it anang itsura bangud nga mag-eowas nga naka-kaeo hay may face mask pa.
Sa pag-usisa it mga otoridad, may nakita nga mga traces it suspek kaibahan ro foot prints.
Ginbaril-patay si Nam-ay kahapon samtang nagapasaka sa monastery of the Lady of Fatima agud kunta nga magsimba.
May narekober sigon sanda nga mga basiwo it ginapatihan nga 45 kalibre nga baril.
