KALIBO, Aklan—Ginakabig it Department of Agriculture ukon DA nga domino effect it mataas nga production cost ro gulping pagnaba it pagpamaeak-ean it buhi nga baboy it mga traders.
Ginpaathag ni Remelyn Recoter, regional director it DA region VI nga epekto gihapon raya it sigidas nga pagtinaas it presyo it langis, pagtaas it raw materials ag ro nagapadayon nga gyera sa tunga it Russia ag Ukraine bangud nga ro nasambit nga mga nasyon ro ginakabig nga major exporting countries pag-abot sa mga nagapangunang kinahang-eanon.
Mag-eowas kara, nagtaas man ro presyo it feeds rason nga ro ibang hog raisers hay nag-ungkat eon it pag-alaga it baboy.
Gin-insister dugang ni Recoter nga nag-umpisa eon it pag re-stocking ro rehiyon it Luzon matapos nga naeampuwasan eon nanda ro African Swine Fever rason nga uwa eon it baboy nga magabahin sa ibang probinsya partikular iya sa Aklan.
Bastante man suno kana ro supply it baboy sa probinsya rason nga nagapabilin sa P130 hasta it P150 pesos ro pamaeak-ean it buhi nga baboy depende sa klase kara.
