KALIBO, Aklan—Dead on arrival nga gindaea sa Aklan Provincial Hospital ro sangka 22-anyos nga eaeaki matapos nga tamaan it kilat samtang nagapadungka sa ginasakyan nga baroto sa Sitio Baybay, Barangay Andagao, Kalibo.
Ro biktima hay ginkilaea kay Gabriel Inan, 22 anyos ag residente it Barangay New Buswang, Kalibo.
Base sa inisyal nga imbestigasyon it Kalibo PNP, kaibahan it biktima ro anang mga barkada nga sanday Christian ag Edwin Pinos maghalin sa eawod ag magadungka eun kunta kat gulpi eamang nga naigo it kilat ro andang baroto ag napuruhan gid ro biktima.
Insigida pa rayang gindaea sa ospital apang gindeklarang dead on arrival it nagatatap kana nga doktor.
Nasayuran nga nakaangkon it pilang ka mga lastro sa kaeawasan ro biktima.
Samtang, maswerte man nga nakaeowas ro daywa pang kaibahan kara.
Ro insidente hay padayun nga gina-imbestigahan it mga otoridad.
