KALIBO, Aklan —- Maabu nga mga South Korean airline ro nagaplano nga makaangkon it chartered flights sa Pilipinas.
Raya ro ginpahayag ni Tourism Secretary Bernadette Romulo-Puyat kasunod it anang pagbisita sa Korea agud nga makipagpueong tourism stakeholders idtu.
Gindugang pa ni Puyat nga pila sa mga South Koreans hay nagaplano nga magbisita sa Cebu, Boracay ag Clark Special Economic Zone.
Umpisa sigon nga buksan ro borders it nasyon sa mga dumueuong nga turista, naga-abot eon sa 176,857 nga mga fully-vaccinated nga mga bisita ro nailista umpisa ko Pebrero 10.
Ginaeauman nga magabisita ro maabu nga mga South Koreans sa Pilipinas matapos nga owa eon nagapangayo ro andang gobyerno it quarantine para sa mga nagbiyahe nanda nga mga pumueuyu.
