Masobra 100 ka mga pawikan, ginbuhian sa baybayon nga sakop it Brgy. Camanci Norte, Numancia

Kalibo Aklan ——-Kabilugang 122 nga mga pawikan hatchlings ro ginbuhian sa baybayon nga sakop it Barangay Camanci Norte, Numancia.

Ro nasambit nga mga pawikan hay kilaea bilang green sea turtle nga masaming makit-an sa baybayon it Numancia.

Ginapabutyag nga nakolekta ro mga itlog it pawikan ko January 5, 2021 it aga-aga kat mapusa eon ro mga raya.

Bangud sa una ro mga raya sa maayos nga kondisyon hay insigida nanda raya nga ginbuhian bangud sa kakueangan sa pasilidad agud nga maalagaan ro mga raya.

Nasayuran nga sa sangka conservation area sa Numancia ginakolekta ro mga itlog it pawikan it mga mangingisda ag sa bulig it lokal nga gobyerno hay dikara ginaalagaan hasta sa mapusa ag pagabuhian eon dayon sa dagat sa nasambit nga lugar.