PAHALGAM, India — Indi magnaba sa 24 katawo ro namatay matapos pang-barilon it mga armadong kaeaeakin-an ro sangka grupo it mga lokal nga turista sa Pahalgam, sangka tanyag nga destinasyon sa Indian-administered Kashmir.
Ro insidente hay nagtuhaw sa Baisaran, sangka bukid nga pastulan nga tatlong milya halin sa banwa it Pahalgam, nga ginatawag man nga “Switzerland it India.”
Suno kay Inspector General Vidi Kumar Birdi it Jammu ag Kashmir Police, indi maabot it mga saeakyan ro lugar kun siin nagtuhaw ro insidente. Natuga it kagamuhan ro biglaang pag-atake, ag maabong turista ro naninahan, kaibahan ro pila nga una sa kritikal nga kondisyon.
Ginpahayag ni Prime Minister Narendra Modi nga pagasiguraduhong mataw-an it hustisya ro mga biktima ag padayon ro anang determinasyon kontra sa terorismo.
Nagpadaea eon man it puwersa sa lugar si Lieutenant Governor Manoj Sinha para tugison ro mga salarin.
Sa makaron, uwa it grupong naga-aku it responsibilidad sa pag-atake. Apang, may mabuhay eon nga insurgency sa rehiyon, sa pihak nga nabawasan ro karahasan sa mga nagtaliwan nga dag-on.
Padayon ro operasyon it mga suldado ag pulisya para matumod ro mga responsable sa insidente.
