Umabot eon sa masobra 400 katawo ro sa hinhimo nga airstrike it Israel sa Gaza.
Suno sa Palestinian health authorities nga ro nasambit nga pag-atake hay posibleng magsamad sa daywang byean nga ceasefire.
Ginubra it Israel ro airstrike para mapilitan ro mga Hamas nga pahilwayon ro tanan nga andang bihag.
May una pang 59 nga bihag sa kabilugang 250 ro buyot it Palestinian militant groups halin kat atakihon nanda ro Israel ku Oktubre 7, 2023.
Una eon nga hinambae ni Israeli Prime Minister Benjamin Netanyahu nga magahimo raya it mahugot nga tikang sa Hamas bangud sa pagmatigas nandang pahilwayon ro mga bihag.
Kaabuan nga tinamaan it airstrikes ro mga kabaeayan ag encampments kun siin nagaistar ro mga sibilyan halin sa north hasta south it Gaza Strip.
Gintawag man it Israeli military ro pag-atake bilang “preemptive offensive” nga ro tuyo hay para mapunggan ro kapasidad it Hamas nga magpatigayon it pag-atake.
