National News——–Haum eon ro mga awtoridad sa pagpatuman it hilway ag maayos nga national ag local elections sa nasyon.
Pilang adlaw antes ro mismong eleksyon sa Mayo 9 hay ginmanduan eon it Philippine National Police (PNP) ag Armed Forces of the Philippines (AFP) ro kapin sa 80,000 nga andang mga tawuhan para magpatuman it seguridad bukon eamang sa pagpadaea it mga balota apang pati eon man ro kaeuwasan it milyun-milyong mga botante ag linibong mga kandidato sa bilog nga nasyon.
Nagpaidaeom man sa refresher course it mga obligasyon it Board of Election (BOE) inspectors ro kapin sa 988 nga mga pulis nga igadeploy man para magstandby ag haum nga bayluhan ro mga teacher-BOE engkaso nga mapas-eawan ro mga raya nga tindugan ro andang obligasyon ukon aywanan nanda ro andang mga pwesto sa mismong adlaw it eleksyon bangud sa pilang ka mga security concerns.
Nagpaidaeom man sa training ro mga kapin sa 2,000 nga katapo it AFP nga igadeploy man sa kaparehong obligasyon.
Samtang, may kapin sa 114 nga mga pungsod ag munisipalidad eon man ro napaidaeom it PNP sa red category ukon areas of grave concern.
