Nag-isyu ro Bureau of Customs (BOC) kahapon, Oktubre 17, 2022 it daywang warrant of seizure ag detention (WSD) angot sa shipment it masobra sa P228 million nga haega it ginapatihang imported refined sugar maghalin sa Thailand.
Suno sa Bureau,gin-isyu ro nasambit nga warrant matapos nga owa gin-aprubahan it Customs Intelligence and Investigation Service-Manila International Container Port (CIIS-MICP) ro request nga amyendhan ro pag-ilis it pangaean it consignee nga owa gintumod samtang nagapadayon pa ro imbestigasyon sa kaso.
Ginrekomenda man it BOC nga mag-isyu it warrant of seizure ag detention sa shipment bangud sa kakueangan it Clearance para sa pagpaguwa it imported sugar nga gina-isyu it Sugar Regulatory Administration (SRA) bangud sa pag-eabag sa Sections 117 ag 1113 it Customs Modernization and Tariff Act (CMTA).
Suno kay BOC chief Commissioner Yogi Filemon Ruiz, maabong hocus pocus nga ginhimu ro mga smugglers para matakasan ro andang mga krimen.
May siginificant effect man sa tyempo ga makaabot sa mga local market sa nasyon ro mga smuggled sugar ngara ag maga-apektuhan ro mga local suppliers.
Ginpahayag dugang pa it BOC chief nga sa tyempo nga ma-forfeit ro shipments andan rayang pagaayuson nga igadispose kasunod sa laye.
