Naka-abot eon sa nasyon ro 135,618 metrikong tonelada it asukar halin sa 150,000 metric tons it imported sugar allocation.
Suno kay Sugar Regulatory Administration (SRA) Board Member ag Planters Rep. Pablo Luis Azcona, sa idaeum it Sugar Order no. 2, igataeana sa industrial users ro kapin sa 75,000 metric tons it imported sugar nga ginagamit it mga softdrinks manufacturers.
Ro nabilin nga 75,000 metric tons man it asukar hay para man sa sweetener nga maagto sa mga wet market.
Ginpahayag it SRA nga pagapasugtan nanda ro 70,717 metric tons it asukar nga nakataeanang itigana para sa mga bumaeakae samtang ro kapin sa 64,901.7 metric tons man ro igataeana para sa industrial use.
Tuyo kara nga masiguro ro mabakod nga suplay it asukar sa domestic market ag masiguro ro manabang presyo kara sa merkado.
Base sa monitoring it Department of Agriculture (DA), ro retail price it refined sugar hay nagahampang sa P95 hasta P105 pesos kada kilo; washed sugar nga una sa P80 hasta P95 pesos kada kilo; samtang ro brown sugar man hay nagabalor it P80 hasta P90 pesos kada kilo.
