-- ADVERTISEMENT --
KALIBO, Aklan—Masobra P10 ro gintaas it kada kilo it brown ag wash sugar sa mga merkado publiko.
Bangud kara, naga-abot eon sa P84 ro presyo it kada kilo it brown sugar samtang P88 man sa wash sugar.
Suno kay Betty Robelo, sugar vendor sa Kalibo Public Market nga masobra P400 ro gintaas sa presyo it kada sako it asukar rason nga kinahang-ean nanda nga eagson ro kapital.
-- ADVERTISEMENT --
Sa kamatuoran suno kana hay out of stock eon ro brown sugar rason nga sangkiri eon lang ro andang nabilin nga suplay kara.
Nagapati si Robelo nga sambilog sa nakaapekto sa uman nga pagtaas it presyo it asukar hay ro pagpanaeasa it bagyong Karding sa pilang parte it nasyon kung siin mabahoe nga porsyento it agrikultura ag maabu nga pananom ro nasamad.
