Pamatud’an anay ni Bamban Mayor Alice Gou nga ro anang ina hay nagatuhaw ag sangka Filipino bangud kun indi hay buot hambaeaon hay bukon man imaw it Pinoy.
Raya hay suno kay Atty. Harry Sucgang, political analyst nga kun masayuran it senado nga bukon it Pinoy si Gou hay may hurisdiksyon ro Commission on Elections sa anang kwalipikasyon bangud nga requirement raya para makadaeagan sa pulitika.
Kinahang’ean nga imbestigahan raya it maid’id bangud nga delikado suno kana ro makaraya nga butang.
Kun may ispiya gid man suno kana iya sa Pilipinas hay mabahoe nga bagay raya para sa China apang sigurado nga indi man magsugot ro kaalyado nga nasyon it Pilipinas.
Apang, makabig si Gou nga “innocent unless otherwise proven”.
Nagapati si Atty. Sucgang bangud man sa kwarta ag residente eun man imaw it Bamban ngani nga uwa eun siguro naghalungkat pa ro COMELEC ku tyempo it eleksyon.
May supisyente sigon nga ground ro COMELEC para magfile it suspension kay Gou kun uwa imaw it mapresenta nga pamatuod.
Ingkaso nga masuspende si Gou hay may system it sucession nga matabo nga vice mayor ro magasaeap sa responsibilidad ni Gou.
Mahimo man kasuhan si Gou it falsification ag perjury kun saea ro anang mga papeles nga magaresulta sa deportation.
Obserbasyon man it abogado ag political analyst nga indi haeos makasabat si Gou sa mga pangutana kana sa senado apisar nga raya hay simple ag pauman’uman eamang.
