Gin-umpisahan ko adlaw it Biyernes it Iglesia Filipina Independiente ukon Aglipayan Church ro andang mga aktibidad para sa pagdumdum it Semana Santa.
Suno kay Fr. Richard Enila, parish priest it nasambit nga simbahan sa Brgy. Albasan, Numancia nga raya hay pinaagi Viernes de Dolores nga tradisyunal nga ginadumdum kada Biyernes bago ro Palm Sunday ukon Domingo de Ramos.
Ginataw-an sigon kara it haega ro pitong kasakit ni Birheng Maria.
Ginapatigayon sigon nanda raya pinaagi sa sagrado nga misa, nobena, ag mga prusisyon nga nagapakita it debosyon sa pag-antus it Ina ni Hesus.
Samtang, sa Marso 31 hay magapatigayon man sanda it clergy retreat sa pagpanguna it andang Obispo .
Raya hay pagasundan it andang renewal of vows sa Abril 1.
Sa Huwebes Santo, paga-umpisahan ro Holy Eucharist kaibahan ro Washing of the Feet it mga apostoles ag procession.
Masaksihan man sa nasambit nga adlaw ro tradisyunal nga Sinakulo ukon pagdakop kay Hesus nga ginapatigayon sa andang plaza bandang alas-6:30 it gabi-i ag pagkatapos hay ro pagpatigayon it procession.
Sa Biyernes Santo, magapatigayon man sanda it sinakulo bandang alas-12 it udtro adlaw ag pagasundan it “7 last words”, veneration of the cross ag pagkatapos hay procession .
May mga aktibidad pa gid sigon sanda sa Sabado de Gloria hasta sa Easter Sunday ukon Domingo it pagkabanhaw .
Padumdum ni Fr. Enila nga makaron nga kuwaresma hay magtaeana it oras para sa pagpangamuyo ag pagpamaeandong .
Magtambong sa mga misa ag likawan ro sobrang sangag ukon owa nagakabagay nga mga aktibidad bilang pag respeto sa okasyon.
