Naging madinaeag-on ro mga aktibidad nga ginhimo it simbahang katolika sa pagdumdom sa All Saints Day.
May kaangtanan kara, ginpasaeamatan ni Fr. Tudd Belandres, kora paroko it St. John the Baptist Cathedral nga naipatuman it maayos ro aktibidad it simbahan sa pagdumdom sa adlaw it mga Santo ag Santa kadungan man sa pagdumdom sa minatay.
Una kara, nagpatigayon it parade of Saints ro Kalibo cathedral bilang kaparte sa selebrasyon it All Saints Day kon siin ginpakita ro mga nagkaeain-eain nga santo pinaagi sa suksok it mga nagpasakop sa parada.
Mag-eowas kara, nagpatigayon it misa sa mga kabaranggayan kon siin nataw-an it kahigayunan ro mga pumueoyo nga makapamisa sa andang mga himata nga nagtaealiwan.
Nauna eon nga ginhambae ni Fr. Belandres nga uwa eon it misa nga ginpatigayon sa mga sementeryo apang ro pagbindita sa mga panchon hay anda gihapon raya nga ginhimo kahapon nga adlaw.
Sa pihak nga parte, eubus man ro pagpasaeamat ni Fr. Belandres sa mga law enforcement agency, emergency responders, volunteers ag maabong iba pa kon siin mabahoe sigon ro andang naging parte sa raya nga aktibidad nga naging madinaeag-on
