KALIBO, Aklan—Umpisa sa Nobyembre 16, pagabuksan eon ro isla it Boracay sa mga bakunadong turista maskin nga owa it maipakitang RT-PCR test.
Suno kay Aklan Governor Florencio Miraflores, raya hay matapos nga haeos naabot eon ro 100% nga vaccination rate sa mga tourism workers nga kapin sa 94% ag eligible residents nga 95%.
Ginpahayag ni Miraflores nga tuyo kara nga uman nga mapabaskog ro industriya it turismo sa isla.
Ro mga gustong bumisita sa Boracay hay dapat nga magpakita it vaccination certificate halin sa www.vaxcert.gov.ph ukon vaccination card nga may QR code halin sa nag-isyung lokal nga gobyerno.
Sa pagbuoe it negatibong RT-PCR test, magapagguwa sigon imaw it executive order angot kara.
Mag-eowas sa vaccination certificate, kinahang-ean man nga magpresinta it reservations halin sa hotel nga accredited it Department of Tourism (DOT), travel details, valid identification card ag iba pa.
Sa pihak kara, ro mga turistang nakabaton pa eamang it unang dose hay required pa gihapon nga magpakita it negatibong RT-PCR result.
