Kasarangan it abu nga mga basura ro nagkaealhit sa mga sementeryo sa banwa it Kalibo partikular sa Medalla Millagrosa Cemetery.
Raya hay sang adlaw makataliwan ro pagdumdom it publiko sa pagtaliwan it andang mga pinalangga sa kinabuhi.
Amat-amat nga gin-umpisahan eon kabi-e ni Rex Ville, sangka Streetsweeper sa banwa it Kalibo ro paglimpyo sa anang natungdan nga area ag ginpadayon agahon paeang kaina.
Suno kana, makabig nga mas hagan-hagan makarong dag-on ro mga nagakaealhit nga basura kasunod it paghina man it bugso it mga tawo nga nagbisita sa mga pinalangga nanda sa kinabuhi nga nagtaliwan eon.
Dati sigon apisar nga bandang alas-2 paeang it aga-aga ga umpisa eon imaw it limpyo sa nasambit nga lugar hay ginakueang sa gihapon imaw it oras para tapuson bangud sa kaabo nga mga basura.
Madumduman nga raya ro kauna-unahan nga kahigayunan nga ginbuksan ro mga sementeryo para sa tanan nga magabisita matapos ro masobra daywang dag-on nga paglimita kara sa pagsueod it publiko tuga it pagpaeanasa it pandemya.
Sa pihak nga parte, gina-eauman nga magadagsa sa gihapon makaron nga adlaw ro ibang mga pumueuyo nga owa pa nakabisita ukon nakalimpyo sa panchon it andang pinalangga sa kinabuhi
