KALIBO, Aklan–Nagaeum ro mga public utility driver nga eubusang maaprubahan agud nga maging laye ro House bill 221 nga gindihon sa Kamara nga tuyo nga magtao it ‘one-time bigtime’ nga ayuda sa mga driver.
Tuyo kara nga masiguro nga magapadayun ro ayuda para sa sektor it transportasyon.
Suno kay Edito Malakas, jeepney driver it Calizo to Kalibo vice versa nga mabahoe ro maibulig kanda it Pantawid Pasada Fuel Program nga ginaduso makaron sa House of the Representatives.
Sa oras nga maging opisyal nga laye, ro pondo para sa Pantawid Pasada Fuel Program hay magahalin sa koleksyon it gobyerno it excise sa langis.
Nasayuran nga kapin sa P7,500 hasta P10,000 ro igatao nga subsidiya sa bus operators ag driver samtang P5,000 hasta P7,500 para sa mga taxi, van for hire, jeepney ag multicab kamana man nga P3,000 hasta P5,000 sa mga tricycle ag motorcycle tax.
Ro Land Transportation Franchising and Regulatory Board ukon LTFRB ro magatumod sa mga benepisyaryo ag magaplastar it criteria.
Bukon man it sueod sa cash subsidy ro mga operator nga ro fleet hay may una nga masobra sa limang units.
