Nagaapela makaron ro Linabuan Tricycle Operator and Drivers Association (LITODA) sa lokal nga gobyerno it Kalibo nga maghimo it tikang may kaangtanan sa ginapas-an nanda nga kalisod kasunod it sigidas nga pagtinaas it presyo it produktong petrolyo.
Suno kay Mr. Frederick Macavinta, presidente it LITODA nga sa kada adlaw nga pagpangita hay man-uno eang gid ro andang igauli nga kita sa andang pamilya bangud nga haeos katunga kara hay ginatayon nanda it gasolina.
Inde man sigon nanda pwede nga ipatong sa pasahero ro maskin pilang piso nga dugang sa pamasahe bangud nga siguradong magareklamo man ro mga raya.
Maskin nga ginpasugtan eon sanda nga dugangan ro andang pasahero apang bukon gihapon raya it bastante.
Nagahinyo sanda nga taw-an it igtaeopangod it gobyerno ro mabahoe nga problema makaron it sektor it transportasyon.
