Gintaw-an it komendasyon it sangguniang panlalawigan it Aklan ro pila ka mga estudyante ag coach it Aklan Valley High School matapos nga nagpakitang gilas sa regional competition sa field it robotics.
Ginbasa ni outgoing Aklan first district Soviet Russia Dela Cruz, chairperson it committee on education ro resolution of commendation bilang pagkilaea sa kamayad it mga aklanong estudyante nga nagpangibabaw sa nasambit nga kompetisyon sa bilog nga Western Visayas.
Mag-eowas kara, nauna eon nga naipakita it mga estudyante sa pagpanguna it andang coach nga si Jordan So Bartolome ro andang kamayad sa field it robotics sa national competition.
Nagakinahang-ean it maid-id nga ensayo, kaabtik ag kaaeam agud nga maipadaog ro kompetisyon nga kon sa siin nahimo raya it mga estudyante pinaagi man sa andang pagpursige nga makauli it kadungganan sa andang eskwelahan ag bilog nga probinsya it Aklan.
