KALIBO, Aklan — Ginkasubo ni Atty. Harry Sucgang, political analyst sa Aklan ro natabu nga kinagamo sa hubeag protesta it pilang mga pamatan-on sa Mendiola kadungan it maeapnagon nga pagpatigayon it anti-corruption rally, adlaw it Domingo Setyembre 21, 2025.
Suno kana nga kaeabanan nga nagatuhaw ro gulo kon magsueod ro mga oportunista, kun sa siin nagagamit it mga ginbayaran nga mga protesters.
Ginkwestiyon man nana ro panawagan it ibang grupo nga ginapapanaog sa pwesto si Pangueong Ferdinand Marcos Jr., nga owa nagakasinanto sa ginlunsar nga anti-corruption rallies tuga it saea nga paggamit it bilyun-bilyong piso para sa flood control projects.
Nagaeaum imaw nga pinaagi kara hay mapukaw ro atensyon it gobyerno ag mapasabat ro nga eakot sa anomaliya.
Madumduman nga nag-umpisa ro gulo sa lugar matapos magpanghaboy ro pilang grupo rason nga napilitan nga maggamit it tear gas ag baton ro mga kapulisan agud nga ayuson ro sitwasyon.
Kaibahan sa mga ginasinggitan it grupo hay mapasabat ro tanan nga mga eakot sa maanomalyang flood control project.
