KALIBO, Aklan – – – Mainit nga gin sugaeaw ro pag abot it mga kandidata it Miss Asia Pacific International sa isla it Boracay kaina it hapon.
Sa makaron hay naga pahaum eon ro mga nagwapahong daeaga para sa andang evening gown competition nga igapatigayun hin-aga it gabie sa Movenpick Resort & Spa Boracay.
Gina eauman nga maga eutaw ro kagwapa ag korte it eawas it 42 candidates sa kanya-kanyang mga evening gown nga andang iga rampa.
Ro pambato it Pilipinas nga Cebuana beauty queen nga si Ilene Astrid de Vera hay nauna eon nga nagbaton it special awards sa daywang categories bilang 2nd runner up sa Best in Swimsuit ag Best in Festival Costume awards.
Ro Miss Asia Pacific International 2017 pageant hay nakataeanang igapatigayun sa November 29 sa Newport Performing Arts Theater of Resorts World Manila.
