KALIBO, Aklan—Haeos tanan nga mga nagakandidato sa 327 nga barangay sa bilog nga probinsiya it Aklan hay nakadihon eon it candidacy para sa Barangay ag Sangguniang Kabataan Elections nga pagahiwaton sa Oktubre 30.
Suno Chrispin Raymund Gerardo, tagapaghambae it Commission on Elections ukon Comelec Aklan nga sa pag-arangkada it COC filing hasta sa ika-ap-at nga adlaw makaron hay naging maayos ag owa it anuman nga nailistang kinagamo.
Sa pihak nga parte, ginklaru ni Gerardo nga indi eon pagapaeawigon it Comelec ro petsa it pagdihon it COC.
Kadungan kara, nag apela si Gerardo nga indi eon pagpa abuton ro ulihing adlaw ukon sa Setyembre 2 antes nga magdagsa para sa filing it candidacy.
Raya hay bangud sa andang eksperiensiya nga pila sa mga kandidato hay bukon it haum sa andang mga dokumento kun sa siin kueang ro mga gina-presentar nga requirements.
Samtang , posibleng sa masunod nga domingo hay makapaguwa eon sanda it opisyal nga listahan it pangaean it mga kandidato para sa nagahilapit nga eleksyon.
