Gin-engganyo ni Senator Imee Marcos ro LandBank nga taw-an it konsiderasyon ro mga mangunguma nga may kautangan kanda.
Kapin sa 2,000 nga mga maintok nga mangunguma ro nagapameligro nga maduea-an it gina-umhan nga eugta bangud sa kautangan sa LandBank matapos malugi tuga it manabang presyo it paeay.
Ginasugid nga owa ginpasugtan it LandBank ro ginhinyu nga palugit ag loan restructuring it mga mangunguma.
Ginpahayag ni Sen. Imee nga owa man ginapangayo it mga farmers nga i-zero ro andang kautangan kundi kinahangean eang nanda it palugit ag loan restructuring para makabayad sa andang obligasyon.
Ginpamilit pa it senadora nga bilang banko it gobyerno, nagakabagay eamang nga magpakita ro LandBank it mas mabahoe nga konsiderasyon sa mga mangunguma pinaagi sa loan restructuring ag iba pang mekanismong makabulig agud nga indi sanda maduea-an it eugta ag pangabuhian.
