KALIBO, Aklan — Nagpaguwa it andang hibubon-ot ro mga negosyante sa isla it Boracay sa kawad-an sigon it klarong impormasyon kaangot sa uman nga pagbukas it isla sa Oktubre 26.
Sa ginapaguwang pahayag it Boracay Foundation Incorporated (BFI), importante sigon nga masayuran nanda ro mga igapatuman nga guidelines it inter-agency task force para sa andang mga returning guests, partners ag mga empleyado.
Sa baylo sigon nga sanda ro istoryahon, ginapili pa it mga natungdang ahensiya it gobyerno nga magta-o it updates sa pilang mga media outlets nga matsa pagbalewala sigon sa andang opinyon.
Ginhalimbawa it mga raya ro sueondanan sa pagbawae it mga parties ag pag-inom it aeak sa beach front ag ro pinakaulihi hay ro pagbawae sa mga “walk in guests”.
