BALITANG Espesyal — Tatlong pasyenteng paralisado bangud sa spinal cord injuries ro uman nga nakatikang, nakapag-swimming ag cycling bangud sa nerve-stimulation device nga kontrolado it sangka touchscreen tablet.
Ro nasambit nga tatlong eaeaki hay mga completely paralysed bangud sa motorbike accidents, ag makaron hay nakatikang, nakapag-cycling ag maskin swimming sa Switzerland bangud sa implanted nerve-stimulation device.
Ro spinal implant hay kontrolado pinaagi sa touchscreen tablet ag nagagamit it artificial intelligence.
Base sa teorya, sa paaeabuton hay posibleng gumamit it teknolohiya ro mga tawong may spinal cord injuries pinaagi eamang sa smartphone ag pagpili it activity kapareho it pagtikang ag pagpungko .
Sa sueod eamang it sang oras nga pag-implant it neurosurgeons it prototypes it nerve-stimulation device, nahimo eon nga makatikang it tatlong pasyente ag matapos ro 6 nga buean, natun-an man nanda ro nagkaeain-eain pang complex movements.
