-- ADVERTISEMENT --
KALIBO, Aklan—Nag-aeabutan ro mga Pinoy sa bahin it Jakarta, Indonesia para saksihan ro pag-abot ag diskurso ni Pangueong Ferdinand “Bongbong” Marcos Jr. makaron nga adlaw.
Suno kay Bombo International Correspondent Ginavella Limpin-Cumla nga maabu nga mga Filipino ro nag-adto sa kabisera it nasyon nga ro kaabuan hay naghalin sa East Java.
Ro pre-program suno kana hay nag-umpisa pasado alas-2:30 it hapon.
-- ADVERTISEMENT --
Una kara, gin-abisuhan man sigon sanda nga mag-adto it temprano para sa pagahimuon nga security check ag pagsikyar it mga ID.
Ro venue nga ginhiwatan ro programa hay sarang maka-akomodar it kapin sa 1,500 katawo.
Nasayuran nga magapabilin it tatlong adlaw sa Indonesia si Marcos bilang kaparte it anang unang state visit.
