Nagpaguwa it abiso ro Philippine Embassy sa Lebanon sa mga pamueoyong Pilipino nga insigigada nga maghalin eon sa Lebanon samtang nakabukas pa ro airport sa tunga it tensyon it kinagamo.
Samtang ro indi kaya nga aywan ro Lebanon hay ginaingganyo nga mag adto sa mas eowas nga lugar. Ro mga Pilipino nga gustong mag-avail it repatriation hay gingsinghanan nga magsabat it form.
Sa pihak nga parte, ging hambae it embahada nga mahimo nga kontakon it mga Pilipino ro mga masunod nga numero para sa kadugangan nga bulig: Para sa tanan it OFWs (documented o undocumented): +961 79110729.
Para sa mga overseas Filipinos (dependents nga may Permanent Resident Status, i.e., wife iqama): +961 70858086. Napabalita nga nagsaka ro tensyon sa tunga it Lebanon-based Hezbollah ag Israel sa mga nakataliwan nga dominggo.
Nag-eunsad ro Iranian-backed Hezbollah group it drone attack ko nagtaliwan sa Golan Heights nga okupado it Israel. Umpisa kara, ro Hezbollah hay nageunsad it attack drones sa northern Israel samtang ro Israel warplanes hay nakitang ‘swooping low’ sa Beirut sa unang parte it buean.
