KALIBO, Aklan—Nakaabang eon ro mga Pinoy sa igapatigayon nga meet and greet ni Pangueong Ferdinand Marcos Jr. kanda sa adlaw it Biyernes.
Raya hay kaparte sa aktibidad it presidente sa Davos, Switzerland mag-eowas sa pag-atendir nana sa World Economic Forum.
Suno kay Bombo International Correspondent Judy Lima, presenteng nagatrabaho sa nasambit nga lugar nga excited eon sanda nga makipagkita sa pangueo bangud nga gintaw-an sanda it kahigayunan nga makamusta ro andang sitwasyon.
Engkaso sigon nga mataw-an imaw it kahigayunan nga makapagdayalogo sa pangaueo hay igapaabot nana ro concern it mga overseas Filipino workers nga makaangkon it direkta nga pag-apply it trabaho maghalin sa Pilipinas paadto it Switzerland.
Sa raya nga pamaagi sigon hay inde eon sanda malisdan kaparehas sa nasyon it Germany nga direkta nga nagahire it trabahante maghalin sa Pilipinas.
Sa makaron suno kana hay kueang-kueang sa sang libo ro registered OFW’s sa Switzerland.
