Kalibo Aklan ——Nakauli eon sa tagsa-tagsa nanda ka pamilya ro 36 sa kabilugang 37 ka mga repatriated seafarers nga gin-quarantine sa sangka hotel sa banwa it Kalibo.
Raya hay kasunod ko pagtapos it andang 14 days quarantine period bilang health protocols sa mga naga-uli sa probinsya it Aklan.
Sa 37 ka mga seafarers hay sambilog eamang kanda ro nagpositibo sa 2019 coronavirus disease (COVID-19) nga ginpaeksamin pa sa Western Visayas Medical Center, ro sub-national laboratory it Department of Health sa Region 6 ro andang mga specimen sample.
Ro nasambit nga COVID-19 patient hay presente nga naka-admit sa Aklan Provincial Hospital para sa close monitoring ag observation.
Apang, una eon nga ginklaro it Provincial Health Office (PHO) nga uwa it sintomas it makamaeatay nga sakit ro nasambit nga pasyente.
Madumduman nga sa pier it Iloilo nagdungka ro Malasakit Voyage nga ginsakyan it kapin sa 180 nga mga OFW bilang kaparte it Balik-Probinsya project it gobyerno.
Mag-eowas sa 37 nga mga Akeanon, 34 nga mga OFW ro taga-Iloilo City, 83 ro taga probinsiya it Iloilo, 9 sa Antique, 14 ro taga Capiz, 5 ro sa Guimaras ag sambilog ro taga Bacolod.
