Maabu eon ro nakakabaton it mga text messages nga pagpangloko.
Angot kara, gin-aku it Department of Information Communication and Technology (DICT) nga ro eapnaag nga text spam hay halin sa mga international syndicates.
Naghinyu man it executive session ro ahensya sa Kamara agud nga i-report ro initial findings it andang imbestigasyon sa nagkalhit nga text scam sa nasyon.
Sa ginpatigayon nga budget hearing it Committee on Appropriations, natalakay ro massive text scam nga nababaton it publiko.
Gintumod it DICT nga ro mga una sa likod it pagpangloko hay mga kriminal nga sindikato.
Makabig nga grabe ro nasambit nga modus ag kinahangean ro mas hugut nga strategy para mapugngan ro ilegal nga hilimuon ag madakpan ro mga suspek.
Ginasugid nga bukon eamang ro mga Pinoy ro eakot kundi maging ro mga international syndicates.
Maeapad ro gina-obra nga pagpangloko kon sa siin owa eamang naga-inawat kundi may mga nabiktima gid it grabe.
Kinahangean nga mas pang pabaskugon ro ginbilog nga task force agud nga suk-ean ro text scams kamana man ro mga illegal websites.
Ginahinyu man ro publiko nga magsugid sa natungdan kon makabaton it mga text scam.
Kabay nga makaangkon eon kita it leksyon ag indi magpabiktima sa mga sindikato.
