SPECIAL Report —- May rason agud nga maging malipayon maskin nga owa it dyowa sa Valentine’s Day ro mga empleyado it lokal nga gobyerno it General Luna sa Quezon bangud nga magabaton sanda it double pay sa Pebrero 14, 2022.
Ro Valentine’s Day hay pagahiwaton sa Lunes nga adlaw rason nga may sueod sa mga taeatapan.
Base sa report, nakabaehag sa executive order it lokal nga gobyerno nga ro pagdoble sa sweldo it mga single nga empleyado hay pagkilaea sa andang pagsueod sa trabaho.
Indi man magiging euhaan ro mga single employee nga pagapili-on nga indi magsueod sa February 14 bangud nga magiging “leave with pay” raya para kanda.
Apang kinahangean nga mag-fill out it form ro mga nasambit nga empleyado sa andang executive department.
Gintawag it lokal nga gobyerno it General Luna ro nasambit nga patakaran para sa mga single ukon owa it sabit nga “innovative governance.”
