KALIBO, Aklan–Napasa-alima eon it mga tagdaog it Enhanced Swerte sa Palengke Promo 2022 it Bombo Radyo Philippines ro andang cash prizes ag gift packs para sa week number 1.
Malipayon nga ginbaton it first prize winner nga si Ternita De Pedro it Brgy. Talon, Altavas ro anang P5,000 nga cash ag P1,000 worth of gift pack.
Si De Pedro hay naggamit it proof of purchase nga San Miguel Pale Pilsen.
Igabulig sigon kara ro nadag-an nga kantidad sa pagbakae it bueong sa anang ina nga may sakit ag pambakae sa ibang kinahang-eanon.
Angot kara, eubos man ro pagpasaeamat it 2nd prize winner nga si Remy Tan it Fulgencio Norte, Balete matapos nga mabaton ro P4,000 nga cash ag P1,000 worth of gift pack.
Nabaton man it 3rd prize winner nga si Rodrigo Lachica it Bulwang, Numancia ro anang P3,000 nga cash ag P1,000 worth of gift pack.
Sa pihak nga parte, masinadyahon nga ginbaton it major prize winner nga si Richie Mae Nalaunnan it Oyo Torong Street, Kalibo ro P3,000 ag P1,000 worth of gift pack matapos nga magdaog sa online activation it cash-siyahan.
Suno kana, pagagamiton kara ro kwarta sa anang pag-eskwela.
Samtang, malipayon man ro daywang ka mga consolation prize winners nga sanday Teresa Ninguna it Linabuan Norte, Kalibo ag Ericka Mae Dela Cruz it banwa it Kalibo matapos nga mabaton ro P2,000 nga cash ag P1,000 worth of gift pack.
