Kasunod it pagpaguwa ni Pangueong Ferdinand Marcos Jr. It mandu angot sa boluntaryong pagsuksok it facemask sa mga outdoor areas sa nasyon hay ro pagbuhos man it nagakaeain-eain nga reaksiyon it mga pilipino.
Raya hay sa tunga it padayon nga paghauega sa mga restrictions sa sueod it nasyon.
Suno kay Sangguniang Bayan member Gus Tolentino it banwang Kalibo nga mas mas manami sa gihapon nga sundon ro mga nakaangdan nga minimum health protocols.
Raya hay bangud sa nagapabilin nga delikado ro nasambit nga virus bangud sa pwede rayang maangkon pamaagi sa hangin
Indi sigon pagbue-on ro facemask eabi eon gid kung sa indoor partikular sa mga public transporatation ag ospital.
Sa pihak kara, apisar nga pabor ro mga natungdan sa nasambit nga mandu hay padayon sa gihapon ro andang pagpadumdom sa publiko nga mas mayad sa gihapon ro pagsuksok it facemask para maka-euwas maghalin sa virus ag owa man sigon it maduea kung padayon nga pagsuksok it facemask.
