KALIBO, Aklan—Agud nga masiguro nga makaangkon it masaligan nga water supply sa paeaabuton nga selebrasyon it Kalibo Sr. Sto. Niño Ati-Atihan Festival 2023, nagpatigayon ro Metro Kalibo Water District ukon MKWD it preventive maintenance works sa Tinigao pumping station.
Suno kay Frederick Buenavidez, tagapaghambae it MKWD, bandang alas-9:00 it gabi-i hasta alas-12:00 it tungang gabi-i ukon hasta nga matapos ro pagpatigayon it transmission line activities ukon flushing, raya hay maga-resulta it maeubog ag mahina nga tubod it tubi nga naka-apekto sa mga miyembro-konsumidor nga mga residente ag business establishments.
Ro nasambit nga aktibidad hay nag-umpisa ko Enero 3 nga magabuhay hasta sa Enero 7, 2023.
Ro mga apektadong barangay hay ro Mobo, Tinigao, Estancia, Osmeña Avenue, Jaime Cardinal Sin Avenue, pilang mga barangay it New Washington, Andagao, Caano, Tigayon ag Nalook.
Ginalaygayan ro mga residente it mga apektadong lugar nga magtipon it bastanteng supply it tubi para sa andang kinahangeanon sa tiempo nga mahina ro tubod it tubi ag maeubog.
Kadungan kara, nagpangayo it pasaylo ro taeatapan sa inconvenience nga mabatyagan sa haeos sang domingo nga preventive maintenance partikular sa aga-aga.
