Ginaplano it kampo it mga biktima it war on drugs nga harangon ro mosyon para sa provisional release ni dating Pangueong Rodrigo Duterte halin sa International Criminal Court (ICC).
Suno kay Atty. Neri Colmenares, abogado it mga biktima, ro pagpahilway kay Duterte hay maga-tuga it paeag it harassment ag pag-atake kontra sa mga biktima, ag posibleng mag-tao it daean sa anang pagtakas halin sa hurisdiksiyon it ICC.
Paga-depensahan it kampo it mga biktima ro andang kinamatarong nga magsumite it pagbaeabag, base sa Rome Statute nga naga-sugo nga siguruhong maga-atubang ro akusado sa pagbista ag indi punggan ro imbestigasyon.
Ginpamilit ni Colmenares nga ro impluwensya ag network ni Duterte hay posibleng magamit para makatakas raya.
Dugang pa, pauman-uman sigon karang gina-atake ro ICC, hukom, ag mga prosecutor, nga naga-pakita it kadueaan it intensyong sundon ro mga sugo it korte.
Una eon nga ginpahayag it legal team ni Duterte nga paga-hinyuon nanda ro provisional release sa sangka uwa pa ginpangaeanang nasyon, nga gintaw-an it katwiran gamit ro anang edad, ikamayad nga eawas, ag pagbawas sigon sa impluwensya matapos ro anang termino bilang pangueo.
