Nakitang guilty sa daywang violation ro babayeng motorcycle rider nga nag-viral kan-o eamang sa road rage incident sa Zambales, suno sa Land Transportation Office (LTO).
Suno kay LTO chief Vigor Mendoza, si Yanna motovlog hay ginpamulta it P5,000 sa paggamit it motorsiklo nga owa it side mirror, ag dugang nga P2,000 sa reckless driving.
“Her driver’s license was also suspended until such time that she complied with the order of the LTO to surrender the motorcycle she used during the viral road rage incident, which she admitted to be not hers,” pahayag it LTO.
Sa pitong pahinang desisyon, ginpahayag it LTO nga ro mga pageabag it Yanna Motovlog hay nabo-oe sa nag-viral nga video nga imaw mismo ro nag-upload sa anang social media account.
Kaibahan kara ro peligrosong pagmaniobra kat mag-overtake sa sangka pick up, maging ro kawad-an it side mirror sa motorsiklong anang ginagamit.
Naabswelto man ro vlogger sa anang ikatlong kaso bangud nga bukon it imaw ro registered owner it motorsiklo.
Nagpangayo eon it tawad ro moto vlogger sa driver it pickup nga anang naka-diskasan, maging sa riding community bangud sa insidente.
