-- ADVERTISEMENT --
KALIBO, Aklan—Nakaangkon it pilang ka mga minor injury ro sangka motorista matapos nga sumab-it ro anang leog sa nakalaylay nga cable wire sa kahabaon it Roxas Avenue, Kalibo ko gabi-i it Biyernes.
Base sa report, halin sa porsyon it Kalibo-Numancia bridge ro owa eon nagpapangaean nga motorista ag magapaadto kunta sa Roxas Avenue Extension kat gulpi eamang imaw maaksidente matapos nga sumab-it ro anang leog cable wire.
Ro insidente hay nagresulta sa anang pagkatumba sa ginamanehong motorsiklo ag nag-angkon it minor injuries.
Ginpakamayad eon lang it nasambit nga motorista nga iparecord ro hitabo sa Kalibo Municipal Police Station para sa nagakaigo nga pag-aksyon.
