Uman nga bumisita sa isla it Boracay ro international cruise ship nga MS Westerdam of Holland America Line ko adlaw it Huwebes, Marso 6, 2026.
Suno kay Mr. Niven Maquirang, Executive Assistant to the Office of the Provincial Governor ag Officer-In-Charge it Cruise Ship Operations sa Aklan, sakay it nasambit nga barko ro kapin sa 2,000 nga pasahero kaibahan ro crew members.
Haeos mga European tourist ro sakay it cruise ship nga nagpanaog ag naglibot sa isla.
Suno pa kana, raya eon ro ikaywang bisita it MS Westerdam makaron nga dag-on kon sa siin ro una hay ko February 5, 2026.
Gin-ayos sigon nanda it mayad ro skedyul it mga gin-adtunan nga tourist spot sa isla bangud sa hugot nga seguridad sa ginpatigayon nga ministerial meeting it Association of Southeast Asian Nation ukon ASEAN.
