Naka-blue alert status eon ro Negros Occidental Provincial Disaster Risk Reduction and Management Council matapos nga ginpasaka sa Alert Level 2 ro pag-eopok it Mt Kanlaon.
Alas- 6:51 kabie kat nagbuga it plume ro bulkan nga umabot sa haeos 5,000 meters.
Nagbuhay it an-om nga minuto ro eruption kon sa siin nabatyagan ro paglinog antes ro pag-eopok.
Pila ka mga residente ro gin-evacuate eabi eon ro maghalin sa mga barangay nga maeapit sa bulkan.
Naeksperyensyahan man ro pagbuhos it uean nga may abo ag ro pagsungaw it baho it asupre.
Naeksperyensyahan man ro ashfalls sa Canlaon City, La Castellana, La Carlota, Pontevedra, Bago City, Valladolid, San Enrique, Hinigaran, Binalabagan, ag San Carlos City.
Ro Kanlaon, nga kilaea man bilang bukid Kanlaon ag bulkang Kanlaon hay sangka aktibong stratovolcano ag ro pinakamataas nga bukid sa isla it Negros.
Ro pinakamataas nga alipunto sa Visayas, nga may kataason nga 2,465 metro above sea level.
Ro Mount Kanlaon hay ika-42 sa pinakamataas nga peak it sangka isla sa kalibutan.
Samtang, ginsuspinde ni Canlaon City Mayor Jose Chubasco Cardenas ro trabaho sa gobyerno ag pribado nga mga opisina sa syudad makaron nga adlaw bangud sa pag-eopok it Bulkang Canlaon.
