Viral ro sangka eaeaki sa Iloilo nga sangka content creator Kon siin minumukbang kara ro sangka hollow blocks. Sa sangka serye it programa ginhambae it content creator nga si Jekerie Bendanillo, nga nalalasahan nana ro semento kat ginakakaon ro hollow blocks.
Madya ginaubo sigon raya kat ginanguya ro sebo it semento, ag nababatyagan ro lasa kara, dugang pa it vlogger nga malisod magkaon it hollow blocks bangod nga uwa man raya ginakan-a it mga tawo.
Suno kay Bendanillo, ginhimo eang nana nga kumaon it hollow blocks bangod sa request it follower sa social media. Ginpahiran pa ni Bendanillo it margarine ro nasambit nga hollow blocks para indi nana malasahan ro bato.
Ginhimo sigon ni Bendanillo ro pagkaon it hollow blocks para masuportahan ro mga kinahang-eanon it anang pamilya, bangod kueang ro ginasweldo nana bieang isaeang ka panday.
Apang kat mangin content creator, daywang buean imaw nga kumita it P8,000 pataas. May pahanumdom o eaygay man si Dr. Gerald Belandres kaangot sa maeain nga epekto it pagkaon it hollow blocks. Makaapekto sigon raya sa ngilo it anang ngipon ag pwede man dayang mabali.
Dugang pa nga nag-angkon it accident ag gin-ubo ro content creator, puwede sigon nana raya nga ma-ingest, lalo kung sumueod raya sa anang tutunlan ag puwede sigon rayang umagto sa anang digestive tract. Ag ro mas kahaeadlok pa nga puwede rayang umadto mismo sa anang respiratory tract nga puwede nana nga ikamatay.
