Gin-engganyo it Philippine Initiative for Conservation of Environment and the People, Inc. (PHILINCON) ro mga pumueoyo nga magtambong sa andang pagahiwaton nga Music Fest para sa Northwest sa bahin it Brgy. Sto. Rosario, Pandan, Antique sa Nobyembre 12.
Ro aktibidad hay maga-umpisa it alas-6 it agahon hasta alas-2:00 it aga-aga it masunod nga adlaw.
Suno kay Gil Delos Santos, Music Fest para sa Northwest Event-Concert Director nga may ginpahaum sanda nga outdoor activities sa adlaw ag may music concert pag-abot it gabi-i angot sa environment protection and preservation.
Ro general admission hay naga-balor it P250 para sa mga adult samtang P150 mat-a sa mga estudyante ag libre para sa mga unga nga naga-edad it 12-anyos panaba.
Raya sigon hay sangka fundraising event para sa benepisyo it enforcement ag forest rangers nga naga-patrolya ag monitor sa protected area it Northwest Panay Peninsula Natural Park.
