KALIBO, Aklan—Naga-abot eon sa masobra 4,500 ka mga panimaeay, condominium ag apartment sa Espansya ro illegal nga gin-istaran it mga squatters.
Suno kay Bombo International Correspondent Maria Edzel Lamparero Lopez it Madrid, Spain nga maabu eon nga mga pumueoyo ro naga-reklamo bangud sa eapnaag nga pag-atake it mga iligal squatters.
Pila sigon sa mga pumueoyo hay nag-umpisa eon nga mag-protesta sa guwa it mga natungdan nga edipisyo kung siin ro iba kanda hay naga-hire pa it 50 hasta 100 katawo para magpatigayun it pag-welga.
Tuyo kara nga magkriar it sangag para sikwayon ro mga iligal squatters.
Nagasalig sigon ro mga raya nga indi sanda madali nga mapahalin it mga tag-ana it baeay bangud sa naga-eksister nga laye sa Espanya.
Nasayuran nga bawae sakiton ag indi mapwersa ro mga iligal squatter nga mapagguwa sa baylo hay kinahang-ean pa nga magbuoe it court order kamana man nga ro mga otoridad eamang ro pwedeng magpahalin kanda.
